సర్ప సూక్తం
నమో అస్తు సర్పేభ్యో యే కే చ పృథివీ మను ।
యే అంతరిక్షే యే దివి తేభ్యః సర్పేభ్యో నమః ।
యేఽదో రోచనే దివో యే వా సూర్యస్య రశ్మిషు ।
యేషామప్సు సదః కృతం తేభ్యః సర్పేభ్యో నమః ।
యా ఇషవో యాతుధానానాం యే వా వనస్పతీగ్ం రను ।
యే వాఽవటేషు శేరతే తేభ్యః సర్పేభ్యో నమః ।
ఇదగ్ం సర్పేభ్యో హవిరస్తు జుష్టం ।
ఆశ్లేషా యేషామనుయంతి చేతః ।
యే అంతరిక్షం పృథివీం క్షయంతి ।
తే నస్సర్పాసో హవమాగమిష్ఠాః ।
యే రోచనే సూర్యస్యాపి సర్పాః ।
యే దివం దేవీమనుసంచరంతి ।
యేషామాశ్లేషా అనుయంతి కామం ।
తేభ్యస్సర్పేభ్యో మధుమజ్జుహోమి ।।
నిఘృష్వైరసమాయుతైః ।
కాలైర్ హరిత్వమాపన్నైః ।
ఇంద్రాయాహి సహస్రయుక్ ।
అగ్నిర్విభ్రాష్టివసనః ।
వాయుశ్వేతసికద్రుకః ।
సంవత్సరో విషూవర్ణైః ।
నిత్యాస్తేఽనుచరాస్తవ ।
సుబ్రహ్మణ్యోగ్ం సుబ్రహ్మణ్యోగ్ం సుబ్రహ్మణ్యోగ్ం ।।
ఓం శాంతిః శాంతిః శాంతిః।।
