శ్రీ రుద్రప్రశ్నః‐చమకం
ప్రథమోఽనువాకః (మొదటి అనువాకము)
ఓం అగ్నావిష్ణూ సజోషసేమా వర్ధన్తు వాం గిరః । ద్యుమ్నైర్వాజేభిరాగతమ్ ।।
వాజశ్చ మే ప్రసవశ్చ మే ప్రయత్ చ మే ప్రసితిశ్చ మే
ధీతిశ్చ మే క్రతుశ్చ మే స్వరశ్చ మే శ్లోకశ్చ మే
శ్రావశ్చ మే శ్రుతిశ్చ మే జ్యోతిశ్చ మే సువశ్చ మే
ప్రాణశ్చ మేఽపానశ్చ మే వ్యానశ్చ మేఽసుశ్చ మే
చిత్తం చ మ ఆధీతం చ మే వాక్ చ మే మనశ్చ మే
చక్షుశ్చ మే శ్రోత్రం చ మే దక్షశ్చ మే బలం చ మ
ఓజశ్చ మే సహశ్చ మ ఆయుశ్చ మే జరా చ మ
ఆత్మా చ మే తనూశ్చ మే శర్మ చ మే
వర్మ చ మేఽఙ్గాని చ మేఽస్థాని చ మే పరూగ్ంషి చ మే
శరీరాణి చ మే ।। 1 ।।
ద్వితీయోఽనువాకః (రెండవ అనువాకము)
జైష్ఠ్యం చ మ ఆధిపత్యం చ మే మన్యుశ్చ మే
భామశ్చ మేఽమశ్చ మేఽమ్భశ్చ మే జేమా చ మే
మహిమా చ మే వరిమా చ మే ప్రథిమా చ మే
వర్ష్మా చ మే ద్రాఘుయా చ మే వృద్ధం చ మే
వృద్ధిశ్చ మే సత్యం చ మే శ్రద్ధా చ మే జగచ్చ మే
ధనం చ మే వశశ్చ మే త్విషిశ్చ మే క్రీడా చ మే
మోదశ్చ మే జాతం చ మే జనిష్యమాణం చ మే
సూక్తం చ మే సుకృతం చ మే విత్తం చ మే
వేద్యం చ మే భూతం చ మే భవిష్యచ్చ మే
సుగం చ మే సుపథం చ మ ఋద్ధం చ మ
ఋద్ధిశ్చ మే క్లుప్తం చ మే క్లుప్తిశ్చ మే
మతిశ్చ మే సుమతిశ్చ మే ।। 2 ।।
తృతీయోఽనువాకః (మూడవ అనువాకము)
శం చ మే మయశ్చ మే ప్రియం చ మేఽనుకామశ్చ మే
కామశ్చ మే సౌమనసశ్చ మే భద్రం చ మే శ్రేయశ్చ మే
వస్యశ్చ మే యశశ్చ మే భగశ్చ మే ద్రవిణం చ మే
యన్తా చ మే ధర్తా చ మే క్షేమశ్చ మే ధృతిశ్చ మే
విశ్వం చ మే మహశ్చ మే సంవిచ్చ మే జ్ఞాత్రం చ మే
సూశ్చ మే ప్రసూశ్చ మే సీరం చ మే లయశ్చ మ
ఋతం చ మేఽమృతం చ మేఽయక్ష్మం చ
మేఽనామయచ్చ మే జీవాతుశ్చ మే దీర్ఘాయుత్వం చ
మేఽనమిత్రం చ మేఽభయం చ మే సుగం చ మే
శయనం చ మే సూషా చ మే సుదినం చ మే ।। 3 ।।
చతుర్థోఽనువాకః (నాలుగవ అనువాకము)
ఊర్క్ చ మే సూనృతా చ మే పయశ్చ మే రసశ్చ మే
ఘృతం చ మే మధు చ మే సగ్ధిశ్చ మే సపీతిశ్చ మే
కృషిశ్చ మే వృష్టిశ్చ మే జైత్రం చ మే ఔద్భిద్యం చ మే
రయిశ్చ మే రాయశ్చ మే పుష్టం చ మే పుష్టిశ్చ మే
విభు చ మే ప్రభు చ మే బహు చ మే భూయశ్చ మే
పూర్ణం చ మే పూర్ణతరం చ మేఽక్షితిశ్చ మే
కూయవాశ్చ మేఽన్నం చ మేఽక్షుచ్చ మే వ్రీహయశ్చ మే
యవాశ్చ మే మాషాశ్చ మే తిలాశ్చ మే ముద్గాశ్చ మే
ఖల్వాశ్చ మేగోధూమాశ్చ మే మసురాశ్చ మే
ప్రియఙ్గవశ్చ మేఽణవశ్చ మే శ్యామాకాశ్చ మే
నీవారాశ్చ మే ।। 4 ।।
పంచమోఽనువాకః (ఐదవ అనువాకము)
అశ్మా చ మే మృత్తికా చ మే గిరయశ్చ మే పర్వతాశ్చ మే
సికతాశ్చ మే వనస్పతయశ్చ మే హిరణ్యం చ
మేఽయశ్చ మే సీసం చ మే త్రపుశ్చ మే శ్యామం చ మే
లోహం చ మే ఽగ్నిశ్చ మ ఆపశ్చ మే వీరుధశ్చ మ
ఓషధయశ్చ మే కృష్టపచ్యం చ మేఽకృష్టపచ్యం చ మే
గ్రామ్యాశ్చ మే పశవ ఆరణ్యాశ్చ మే యజ్ఞేన కల్పన్తాం
విత్తం చ మే విత్తిశ్చ మే భూతం చ మే భూతిశ్చ మే
వసు చ మే వసతిశ్చ మే కర్మ చ మే శక్తిశ్చ
మేఽర్థశ్చ మ ఏమశ్చ మ ఇతిశ్చ మే గతిశ్చ మే ।। 5।।
షష్ఠమోఽనువాకః (ఆరవ అనువాకము)
అగ్నిశ్చ మ ఇన్ద్రశ్చ మే సోమశ్చ మ ఇన్ద్రశ్చ మే
సవితా చ మ ఇన్ద్రశ్చ మే సరస్వతీ చ మ ఇన్ద్రశ్చ మే
పూషా చ మ ఇన్ద్రశ్చ మే బృహస్పతిశ్చ మ ఇన్ద్రశ్చ మే
మిత్రశ్చ మ ఇన్ద్రశ్చ మే వరుణశ్చ మ ఇన్ద్రశ్చ మే
త్వష్టా చ మ ఇన్ద్రశ్చ మే ధాతా చ మ ఇన్ద్రశ్చ మే
విష్ణుశ్చ మ ఇన్ద్రశ్చ మేఽశ్వినౌ చ మ ఇన్ద్రశ్చ మే
మరుతశ్చ మ ఇన్ద్రశ్చ మే విశ్వే చ మే దేవా ఇన్ద్రశ్చ మే
పృథివీ చ మ ఇన్ద్రశ్చ మేఽన్తరిక్షం చ మ ఇన్ద్రశ్చ మే
ద్యౌశ్చ మ ఇన్ద్రశ్చ మే దిశశ్చ మ ఇన్ద్రశ్చ మే
మూర్ధా చ మ ఇన్ద్రశ్చ మే ప్రజాపతిశ్చ మ ఇన్ద్రశ్చ మే ।। 6 ।।
సప్తమోఽనువాకః (ఏడవ అనువాకము)
అగ్ం శుశ్చ మే రశ్మిశ్చ మేఽదాభ్యశ్చ మేఽధిపతిశ్చ మ
ఉపాగ్ం శుశ్చ మేఽన్తర్యామశ్చ మ ఐన్ద్రావాయవశ్చ మే
మైత్రావరుణశ్చ మ ఆశ్వినశ్చ మే ప్రతిప్రస్థానశ్చ మే
శుక్రశ్చ మే మన్థీ చ మ ఆగ్రయణశ్చ మే వైశ్వదేవశ్చ మే
ధ్రువశ్చ మే వైశ్వానరశ్చ మ ఋతుగ్రహాశ్చ
మేఽతిగ్రాహ్యాశ్చ మ ఐన్ద్రాగ్నశ్చ మే వైశ్వదేవశ్చ మే
మరుత్వతీయాశ్చ మే మాహేన్ద్రశ్చ మ ఆదిత్యశ్చ మే
సావిత్రశ్చ మే సారస్వతశ్చ మే పౌష్ణశ్చ మే
పాత్నీవతశ్చ మే హారియోజనశ్చ మే ।। 7 ।।
అష్టమోఽనువాకః (ఎనిమిదవ అనువాకము)
ఇధ్మశ్చ మే బర్హిశ్చ మే వేదిశ్చ మే ధిష్ణియాశ్చ మే
స్రుచశ్చ మే చమసాశ్చ మే గ్రావాణశ్చ మే స్వరవశ్చ మ
ఉపరవాశ్చ మేఽధిషవణే చ మే ద్రోణకలశశ్చ మే
వాయవ్యాని చ మే పూతభృచ్చ మ ఆధవనీయశ్చ మ
ఆగ్నీధ్రం చ మే హవిర్ధానం చ మే గృహాశ్చ మే
సదశ్చ మే పురోడాశాశ్చ మే పచతాశ్చ
మేఽవభృథశ్చ మే స్వగాకారశ్చ మే ।। 8 ।।
నవమోఽనువాకః (తొమ్మిదవ అనువాకము)
అగ్నిశ్చ మే ఘర్మశ్చ మేఽర్కశ్చ మే సూర్యశ్చ మే
ప్రాణశ్చ మేఽశ్వమేధశ్చ మే పృథివీ చ మేఽదితిశ్చ మే
దితిశ్చ మే ద్యౌశ్చ మే శక్వరీరఙ్గులయో దిశశ్చ మే
యజ్ఞేన కల్పన్తామృక్ చ మే సామ చ మే స్తోమశ్చ మే
యజుశ్చ మే దీక్షా చ మే తపశ్చ మ ఋతుశ్చ మే
వ్రతం చ మేఽహోరాత్రయోర్వృష్ట్యా బృహద్రథన్తరే చ మే
యజ్ఞేన కల్పేతామ్ ।। 9 ।।
దశమోఽనువాకః (పదవ అనువాకము)
గర్భాశ్చ మే వత్సాశ్చ మే త్రవిశ్చ మే త్రవీ చ మే
దిత్యవాట్ చ మే దిత్యౌహీ చ మే పఞ్చావిశ్చ మే
పఞ్చావీ చ మే త్రివత్సశ్చ మే త్రివత్సా చ మే
తుర్యవాట్ చ మే తుర్యౌహీ చ మే పష్ఠవాట్ చ మే
పష్ఠౌహీ చ మ ఉక్షా చ మే వశా చ మ ఋషభశ్చ మే
వేహచ్చ మేఽనడ్వాన్ చ మే ధేనుశ్చ మ
ఆయుర్యజ్ఞేన కల్పతాం ప్రాణో యజ్ఞేన కల్పతామపానో
యజ్ఞేన కల్పతాం వ్యానో యజ్ఞేన కల్పతాం
చక్షుర్యజ్ఞేన కల్పతాం శ్రోత్రం యజ్ఞేన కల్పతాం
మనో యజ్ఞేన కల్పతాం వాగ్యజ్ఞేన కల్పతామాత్మా
యజ్ఞేన కల్పతాం యజ్ఞో యజ్ఞేన కల్పతాం ।। ౧౦ ।।
ఏకాదశోఽనువాకః (పదకొండవ అనువాకము)
ఏకా చ మే తిస్రశ్చ మే పఞ్చ చ మే సప్త చ మే
నవ చ మ ఏకాదశ చ మే త్రయోదశ చ మే
పఞ్చదశ చ మే సప్తదశ చ మే నవదశ చ మ
ఏకవిగ్ంశతిశ్చ మే త్రయోవిగ్ంశతిశ్చ మే
పఞ్చవిగ్ంశతిశ్చ మే సప్తవిగ్ంశతిశ్చ మే నవవిగ్ంశతిశ్చ మ
ఏకత్రిగ్ంశచ్చ మే త్రయస్త్రిగ్ంశచ్చ మే చతస్రశ్చ
మేఽష్టౌ చ మే ద్వాదశ చ మే షోడశ చ మే
విగ్ంశతిశ్చ మే చతుర్విగ్ంశతిశ్చ మేఽష్టావిగ్ంశతిశ్చ మే
ద్వాత్రిగ్ంశచ్చ మే షట్త్రిగ్ంశచ్చ మే చత్వారిగ్ంశచ్చ మే
చతుశ్చత్వారిగ్ంశచ్చ మేఽష్టాచత్వారిగ్ంశచ్చ మే వాజశ్చ
ప్రసవశ్చాపిజశ్చ క్రతుశ్చ సువశ్చ మూర్ధా చ
వ్యశ్నియశ్చాన్త్యాయనశ్చాన్త్యశ్చ భౌవనశ్చ
భువనశ్చాధిపతిశ్చ ।। 11 ।।
ఓం శాంతిః శాంతిః శాంతిః।।
(చమకము ముగింపు మంత్రము:)
ఓం ఇడా దేవహూర్మనుర్యజ్ఞనీర్బృహస్పతిరుక్థామదాని
శగ్ంసిషద్విశ్వే-దేవాః సూక్తవాచః పృథివి మాతర్మా మా
హిగ్ంసీర్మధు మనిష్యే మధు జనిష్యే మధు వక్ష్యామి
మధు వదిష్యామి మధుమతీం దేవేభ్యో వాచముద్యాసగ్ం
శుశ్రూషేణ్యాం మనుష్యేభ్యస్తం మా దేవా అవన్తు
శోభాయై పితరోఽనుమదన్తు ।।
ఓం శాంతిః శాంతిః శాంతిః।।
ఇతి శ్రీ రుద్ర చమకం।।
