విష్ణు సూక్తం
ఓం విష్ణోర్నుకం వీర్యాణి ప్రవోచం యః పార్థివాని విమమే రాజాగ్ంసి యో అస్కభాయదుత్తరగం సధస్థం విచక్రమాణస్త్రేధోరుగాయః ।। 1 ।।
విష్ణోరరాటమసి విష్ణోః పృష్ఠమసి విష్ణోః శ్నప్త్రేస్థో విష్ణోస్స్యూరసి విష్ణోర్ధ్రువమసి వైష్ణవమసి విష్ణవే త్వా ।। 2 ।।
తదస్య ప్రియమభిపాథో అశ్యామ్ । నరో యత్ర దేవయవో మదంతి । ఉరుక్రమస్య స హి బంధురిత్థా । విష్ణో పదే పరమే మధ్వ ఉత్సః ।। 3 ।।
ప్ర తద్విష్ణుస్స్తవతే వీర్యాయ । మృగో న భీమః కుచరో గిరిష్ఠాః । యస్యోరుషు త్రిషు విక్రమణేషు । అధిక్షయంతి భువనాని విశ్వా ।। 4 ।।
పరో మాత్రయా తనువా వృధాన । న తే మహిత్వమన్వశ్నువంతి । ఉభే తే విద్మ రజసీ పృథివ్యా విష్ణో దేవత్వమ్ । పరమస్య విత్సే ।। 5 ।।
విచక్రమే పృథివీమేష ఏతామ్ । క్షేత్రాయ విష్ణుర్మనుషే దశస్యన్ । ధ్రువాసో అస్య కీరయో జనాసః । ఊరుక్షితిగ్ం సుజనిమాచకార ।। 6 ।।
త్రిర్దేవః పృథివీమేష ఏతామ్ । విచక్రమే శతర్చసం మహిత్వా । ప్ర విష్ణురస్తు తవసస్తవీయాన్ । త్వేషగ్ం హ్యస్య స్థవిరస్య నామ ।। 7 ।।
అతో దేవా అవంతు నో యతో విష్ణుర్విచక్రమే । పృథివ్యాస్సప్తధామభిః । ఇదం విష్ణుర్విచక్రమే త్రేధా నిదధే పదమ్ । సమూఢమస్య పాగ్ం సురే ।।
త్రీణి పదా విచక్రమే విష్ణుర్గోపా అదాభ్యః । తతో ధర్మాణి ధారయన్ । విష్ణోః కర్మాణి పశ్యత యతో వ్రతాని పస్పశే । ఇంద్రస్య యుజ్యస్సఖా ।।
తద్విష్ణోః పరమం పదగ్ం సదా పశ్యంతి సూరయః । దివీవ చక్షురాతతమ్ । తద్విప్రాసో విపన్యవో జాగృవాగ్ం సస్సమింధతే । విష్ణోర్యత్పరమం పదమ్ ।
పర్యాప్త్యా అనంతరాయాయ సర్వస్తోమోఽతి రాత్ర ఉత్తమ మహర్భవతి సర్వస్యాప్త్యై సర్వస్య జిత్త్యై సర్వమేవ తేనాప్నోతి సర్వం జయతి ।।
ఓం శాంతిః శాంతిః శాంతిః।।
