భూమి పూజ/శంకుస్థాపన

భూమి పూజ/శంకుస్థాపన - పూజా సామాగ్రి

1. పసుపు
2. కుంకుమ
3. తడిపిన గంధం
4. పసుపు అక్షతలు
5. బియ్యం - 10 కిలోలు
6. తెల్ల ధోతీ - 1
7. జాకెట్ బట్టలు - 3
8. తమలపాకులు - 51
9. పోకలు - 51
10. ఖర్జురా - 51
11. కలశ స్థాపనకు రాగి చెంబు - 1
12. రూపాయి నాణెములు - 101
13. ఐదు రకముల పుష్పములు
14. కొబ్బరికాయలు - 9
15. పూలదండ - 1
16. మంగళహారతి set - 1
17. నవరత్నాలు/పంచలోహాలు set - 1
18. నవధాన్యములు - 150 గ్రాములు
19. వెండి పాము
20. రాగి లేదా ఇత్తడి లేదా వెండి గ్లాసులు - 3
21. పండ్లు - 5 రకములు
22. దారం ఉండ - 1
23. పాలు
24. పెరుగు
25. నెయ్యి
26. తేనే
27. శర్కర
28. కొబ్బరికాయ
29. అగరవత్తులు
30. దీపానికి నూనె
31. వత్తివేసిన కుందులు
32. అగ్గిపెట్టె
33. కర్పూరం
34. ఆచమన పాత్ర {రెండింటిలోనూ నీళ్ళు నింపుకోండి}
35. కలశానికి రాగి చెంబు {రెండింటిలోనూ నీళ్ళు నింపుకోండి}
36. ఇటుకలు - 9 లేదా నవరంధ్ర శిల (తొమ్మిది రంధ్రాలు ఉన్న రాయి)
37. వాస్తు శంకు - 1
38. గుణపము - 1
39. పారా - 1
40. తాపీ - 1
41. కూర్చోవడానికి ఆసనం

వాస్తు పురుష మండలం

వాస్తు శాస్త్రం ప్రకారం, గృహ నిర్మాణం అనేది కేవలం ఒక భౌతిక ప్రక్రియ మాత్రమే కాదు, అది భూమిపై ఒక శక్తి క్షేత్రాన్ని (Energy Field) సిద్ధం చేయడం. ఈ శక్తి క్షేత్రానికి మూలమే "ఏకాశీతి పద వాస్తు మండలం".

శాస్త్రోక్తంగా భూమిపూజ లేదా శంకుస్థాపన నిర్వహించేటప్పుడు ఈ 81 గడుల మండలాన్ని స్థాపించడం అత్యంత ఆవశ్యకం. పూర్వము దర్భలతో స్థలము చుట్టూ ఒక మండలము లాగ ఏర్పాటుచేసి భూమి పూజ, శంకుస్థాపన చేసే వారు. కాలానుసారము ఎన్నో మార్పులు వచ్చాయి.

ప్రస్తుతము భూమిపూజ/శంకుస్థాపన పూజలో వాస్తు మండపారాధన అని చేస్తున్నారు. దేనినే 'ఏకాశీతి వాస్తుమండలము' అని అంటారు. ఆ పూజ విధానమునూ ఇక్కడ పొందుపరచడము జరిగింది.

ముందుగా ఒక వస్త్రమును సమచతురస్రములో తూర్పుదిశలో పరిచి దానిపై బియ్యము పోసి 10 రేఖలను నిలువుగా పడమర నుండి తూర్పుకు, మరియు 10 రేఖలు అడ్డముగా దక్షిణము నుండి ఉత్తరమునకు, దర్భతో లేదా బంగారముతో గీసి, ఆ గీతల మధ్య 81 గదులను ఏర్పాటు చేయాలి. వీటిలో 12 అంతర్దేవతలనూ 32 బహిర్దేవతలనూ, చివరిగా మధ్యలో బ్రహ్మస్థాన దేవతలనూ ఆవాహనం చేయాలి. రేఖలు గీయుచున్నప్పుడు ఈ క్రింది శ్లోకములు పఠిస్తూ గీయాలి: దశ పూర్వాయతా రేఖాః దశ చైవోత్తరాయతాః । సర్వా వాస్తువిభాగేషు విజ్ఞేయా నాడికా బుధైః ।। ఏకాశీతి పదం కుర్యాత్ రేఖాభిః కనకేన చ । పశ్చాదిత్యంచ ఆలఖ్య సూత్రేణాలోడ్య సర్వతః ।। శాంతా యశోవతీ కాంతా విశాలా ప్రాణవాహినీ । సతీ చ సుమనా నందా సుభద్రా సుస్థితా తథా ।। హిరణ్యా సువ్రతా లక్ష్మీర్విభూతిర్విమలా ప్రియా । జయా కాలా విశోకా చ తథేంద్రా రశ్మిసంజ్ఞితా ।।

తదుపరి ఆ మండలములో ప్రధాన కలశమును (కలశమునకు కూడా దారం చుట్టి సుగంధ ద్రవ్యాలు, నాణెములు, అందులో వేసి, నీరు నింపి, కలశముపై మామిడి ఆకులు - కొబ్బరికాయ, దానిపై గోపురములా జాకెట్ బట్టను తయారు చేసి, ఆ కొబ్బరికాయను తొడిగి కలశము పై పెట్టి పుష్పముాల నుంచాలి).

హరిద్రా గణపతిని (ఎరుపు రవికను గోపురముల చేసి, ఇంకో రవికపై ఆ రవికను ఉంచి, తమలపాకులు 3 పోకలు, ఖర్జురా, నాణెం ఉంచి, దానిపై ఒక కొబ్బరి కుడుక(కురిడీ)లో పసుపు గణపతిని చేసి,) పఠిస్తూ వాస్తు మండలములో దిగువన స్థాపించాలి.

వేరుగా ఒక తంబాలములో బియ్యం పోసి అందులో మూడు గ్లాసులు (రాగి లేదా వెండి లేదా ఇత్తడి లేదా స్టీల్) ఉంచి పుణ్యాహవచనం చేయాలి.

మండప దేవతలనందరినీ, భూదేవతను, వాస్తుపురుషుడిని కూడా కలశములో ఆవాహనం చేయాలి.

మండపము చుట్టూ అయిదు రకాల పండ్లు పెట్టాలి.

అనంతరం ముఖ్యముగా గర్త భాగము ఈశాన్య భాగములో మూడు అడుగుల లోతు రెండడుగుల వెడల్పు తవ్వాలి. గర్తమునందు 8 ఇటుకల (నవగ్రహాలకి సంకేతము) మధ్యలో కదిర (చండ్ర), చందనం, లేదా మేడి వంటి పవిత్రమైన చెక్కలతో తయారు చేసిన శంకువునుప్రతిష్ఠించి, వాస్తుపురుష షోడశోపచార పూజ చేసి, ఆ శంకువును సిమెంటు,ఇసుక మిశ్రమముతో మూసివేయాలి.

పైన సూచించిన విధముగా పూజ చేయడము వలన మీ గృహానికి సంపూర్ణ వాస్తు బలం చేకూరుతుంది. ఇలా శాస్త్రబద్ధంగా పునాది వేయడం వల్ల ఆ ఇంట్లో నివసించే వారికి సుఖసంతోషాలు కలగడమే కాకుండా, తరతరాల వంశాభివృద్ధి (పుత్ర పౌత్రాభివృద్ధి) నిరంతరాయంగా సాగుతుందని వాస్తు గ్రంథాలు ప్రమాణీకరిస్తున్నాయి.

భూమి పూజ / శంకుస్థాపన పూజ (click to expand)

గర్త (పునాది గోతి) పూజ/ శంకుస్థాపన-భూమిపూజ

గర్త పూజ/శంకుస్థాపన-భూమిపూజ

శుచిః: అపవిత్రః పవిత్రో వా సర్వావస్థాం గతోఽపి వా। యః స్మరేత్ పుండరీకాక్షం స బాహ్యాభ్యంతరః శుచిః।। (పుండరీకాక్ష పుండరీకాక్ష పుండరీకాక్షాయ నమః) భూమి పూజ కలశములోని నీటితో మూడు సార్లు గర్త [పునాది-ఈశాన్యములో తీసిన గుంత]లో చల్లాలి. ఈ క్రింది మంత్రాలూ పఠిస్తూ శంకువును మధ్యస్థానములో స్థాపించాలి. ధ్యానం వాస్తుపురుష నమస్తేఽస్తు భూశయ్యాభిరత ప్రభో । మద్గృహం ధనధాన్యాది సమృద్ధం కురు సర్వదా ।। శంకుస్థాపనే యా పూజా త్వయి దేవ నిరూపితా । తయా త్వం పరితుష్టస్సన్ ఆయురారోగ్యదా భవ ।। శాంతిం కురు తుష్టిం కురు పుష్టిం కురు సదా వై । పాపాత్ నః రక్ష రక్ష స్వగృహే మంగళం కురు ।। సర్వవిఘ్నహరో భవ సర్వకల్యాణదాయకః । స్థిరో భవ గృహే చాస్మిన్ వాస్తుదేవ నమోఽస్తు తే ।। ఓం పృథ్వీధరాయ వాస్తుపురుషాయ నమః । ధ్యాయామి ధ్యానం సమర్పయామి। వాస్తుపురుషునికి నమస్కరించాలి. ఆవాహనం ఓం పృథ్వీధరాయ వాస్తుపురుషాయ నమః । ఆవాహయామి స్థాపయామి పూజయామి। గర్తమునందు (పునాది గోతిలో) పుష్పాక్షతలను సమర్పించి నమస్కరించాలి. ఆసనం ఓం పృథ్వీధరాయ వాస్తుపురుషాయ నమః । రత్న సింహాసనార్డే అక్షతాన్ సమర్పయామి । గర్తమునందు (పునాది గోతిలో) పుష్పాక్షతలను సమర్పించాలి. పాద్యం/ఆర్ఘ్యం/ఆచమనీయం ఓం పృథ్వీధరాయ వాస్తుపురుషాయ నమః । పాదయోః పాద్యం సమర్పయామి హస్తయోః ఆర్ఘ్యం సమర్పయామి ఆచమనీయం సమర్పయామి । పుష్పంతో కానీ లేదా ఉద్ధరణితో కానీ నీరు తీసుకొని కలశానికి చూపించి అర్ఘ్య పాత్రలో చల్లాలి/వదలాలి స్నానం ఓం ఆపో హి ష్ఠా మయోభువః । తా న ఊర్జే దధాతన । మహే రణాయ చక్షసే ।। యో వశ్శివతమో రసః । తస్య భాజయతేహ నః । ఉశతీరివ మాతరః ।। తస్మా అరజ్గమామ వః । యస్య క్షయాయ జిన్వథ । ఆపో జనయథా చ నః ।। ఓం పృథ్వీధరాయ వాస్తుపురుషాయ నమః । శుద్ధోదక స్నానం సమర్పయామి । గర్తమునందు (పునాది గోతిలో) తమలపాకులతో జలమును చల్లాలి. వస్త్రం: అభి వస్త్రా సువసనాన్యర్షాభి ధేనూ సుదుఘాః పూయమానః। అభిచంద్రా భ॑ర్తవే నో॑ హిరణ్యా భ్యశ్వాన్రథినో దేవసోమ।। ఓం పృథ్వీధరాయ వాస్తుపురుషాయ నమః । వస్త్రయుగ్మం సమర్పయామి। వస్త్రార్ధం అక్షతాన్ సమర్పయామి। గర్తమునందు (పునాది గోతిలో) అక్షతలును సమర్పించాలి. యజ్ఞోపవీతం: ఓం యజ్ఞోపవీతం పరమo పవిత్రం ప్రజాపతేర్యత్సహజo పురస్తాత్। ఆయుష్యమగ్ర్య॒o ప్రతి ముoచ శుభ్రం యజ్ఞోపవీతం బలమస్తు తేజ:।। ఓం పృథ్వీధరాయ వాస్తుపురుషాయ నమః । యజ్ఞోపవీతం సమర్పయామి।। యజ్ఞోపవీతార్ధం అక్షతాన్ సమర్పయామి.।। గర్తమునందు (పునాది గోతిలో) అక్షతలును సమర్పించాలి. చందనం: ఓం గంధద్వారాం దురాధర్షాం నిత్యపుష్టాం కరీషిణీమ్।। ఈశ్వరీం సర్వభూతానాం తామిహో పహ్వయే శ్రియమ్।। ఓం పృథ్వీధరాయ వాస్తుపురుషాయ నమః । శ్రీ గంధాన్ ధారయామి। గర్తమునందు (పునాది గోతిలో) గంధం మరియు కుంకుమ సమర్పించాలి. అక్షతలు: ఆయనేతే పరాయణే దూర్వారోహంతు పుష్పిణీః। హ్రదాశ్చ పుండరీకాణి సముద్రస్య గృహా ఇమే।। ఓం పృథ్వీధరాయ వాస్తుపురుషాయ నమః । అక్షతాన్ సమర్పయామి।। గర్తమునందు (పునాది గోతిలో) అక్షతలును సమర్పించాలి. హరిద్రాచూర్ణం (పసుపు): ఓం అహిరివ భోగైః పర్యేతి బాహుం జ్యాయా హేతిం పరిబాధమానః। హస్తఘ్నో విశ్వా వయునాని విద్వాన్ పుమాన్ పుమాంసం పరిపాతు విశ్వతః।। ఓం పృథ్వీధరాయ వాస్తుపురుషాయ నమః । హరిద్రా చూర్ణం సమర్పయామి।। గర్తమునందు (పునాది గోతిలో) పసుపును సమర్పించాలి. కుంకుమ: ఓం యాగ్ం గోర్యా సినీవాలీ యా రాకా యా సరస్వతీ। ఇంద్రాణీమహ్వ ఊతయే వరుణానీం స్వస్తయే।। ఓం పృథ్వీధరాయ వాస్తుపురుషాయ నమః । కుంకుమ విలేపనం సమర్పయామి।। గర్తమునందు (పునాది గోతిలో) కుంకుమను సమర్పించాలి. ఇప్పుడు గర్తమునందు (పునాది గోతిలో) తొమ్మిది రంధ్రాలు గల ఒక ప్రత్యేకమైన రాతి లేదా లోహపు శిలను లేదా తొమ్మిది ఇటుకలను క్రమ పద్ధతిలో ఉంచి, వాటిపై నవగ్రహ దేవతలను ఆవాహన చేసి పూజించవలెను. పూజ చేయునప్పుడు పుష్పములతో పాటు ఆయా గ్రహములకు సూచించిన ధాన్యములను (నవధాన్యాలు) ప్రత్యేకముగా సమర్పించవలెను.

1. ఓం సూర్యాయ నమః - అధిదేవత ప్రత్యధిదేవత సహిత సూర్యగ్రహ మావాహయామి ।। గర్తమునందు (పునాది గోతిలో) మధ్య ఇటుకపై అక్షతలు, ఎరుపు వర్ణ పుష్పములు , గోధుమలు సమర్పించాలి.
2. ఓం సోమాయ (చంద్రాయ) నమః - అధిదేవత ప్రత్యధిదేవత సహిత సోమగ్రహ మావాహయామి ।। గర్తమునందు (పునాది గోతిలో) ఆగ్నేయ ఇటుకపై అక్షతలు, తెలుపు వర్ణ పుష్పములు, బియ్యము లేదా వడ్లు సమర్పించాలి.
3. ఓం అంగారకాయ (కుజాయ) నమః - అధిదేవత, ప్రత్యధిదేవత సహిత అంగారకగ్రహ మావాహయామి ।। గర్తమునందు (పునాది గోతిలో) దక్షిణ ఇటుకపై అక్షతలు, ఎరుపు వర్ణ పుష్పములు, కందులు సమర్పించాలి.
4. ఓం బుధాయ నమః - అధిదేవత, ప్రత్యధిదేవత సహిత బుధగ్రహ మావాహయామి ।। ఈశాన్య ఇటుకపై అక్షతలు, పసుపు వర్ణ పుష్పములు, పెసలు సమర్పించాలి.
5. ఓం బృహస్పతయే నమః - అధిదేవత, ప్రత్యధిదేవత సహిత బృహస్పతిగ్రహ మావాహయామి ।। గర్తమునందు (పునాది గోతిలో) ఉత్తర ఇటుకపై అక్షతలు, బంగారు వర్ణ పుష్పములు, శనగలు సమర్పించాలి.
6. ఓం శుక్రాయ నమః - అధిదేవత, ప్రత్యధిదేవత సహిత శుక్రగ్రహ మావాహయామి ।। గర్తమునందు (పునాది గోతిలో) తూర్పు ఇటుకపై అక్షతలు, తెలుపు వర్ణ పుష్పములు, బొబ్బర్లు సమర్పించాలి.
7. ఓం శనైశ్చరాయ నమః - అధిదేవత, ప్రత్యధిదేవత సహిత శనైశ్చరగ్రహ మావాహయామి ।। గర్తమునందు (పునాది గోతిలో) పడమర ఇటుకపై అక్షతలు, నీల వర్ణ పుష్పములు, నల్ల నువ్వులు సమర్పించాలి.
8. ఓం రాహవే నమః - అధిదేవత, ప్రత్యధిదేవత సహిత రాహుగ్రహ మావాహయామి ।। గర్తమునందు (పునాది గోతిలో) నైరుతి ఇటుకపై అక్షతలు, ధూమ్ర లేదా పసుపు వర్ణ పుష్పములు, మినుములు సమర్పించాలి.
9. ఓం కేతవే నమః - అధిదేవత, ప్రత్యధిదేవత సహిత కేతుగణ మావాహయామి ।। గర్తమునందు (పునాది గోతిలో) వాయువ్య ఇటుకపై అక్షతలు లేదా చిత్ర వర్ణ పుష్పములు (ఎరుపు తప్ప ఏదేని వర్ణ) పుష్పములు సమర్పించాలి.

లేదా ఈ క్రింది మంత్రం పఠిస్తూ అన్ని ఇటుకలపై అక్షతలు, పుష్పములు, నవధాన్యములు సమర్పించాలి. ఆదిత్యాయ చ సోమాయ మంగళాయ బుధాయచ గురు శుక్ర శనిభ్యశ్చ రాహవే కేతవే నమః అథ శంకుస్థాపన మంత్రః

నవగ్రహాలు - దిక్కుల అమరిక

పంచభూతాలు - స్థానాలు

ఇప్పుడు ఈ క్రింది మంత్రం పఠిస్తూ శంకువును గర్తమునందు (పునాదిగోతిలో) మధ్యలో స్థాపించాలి. శంకువును స్థిరముగా నిలబెట్టి, అక్షతలు, పుష్పములు సమర్పించి నమస్కరించాలి. ఓం నమో భగవతే వాస్తుపురుషాయ కపిలాయ చ । పృథ్వీధరాయ దేవాయ ప్రధానపురుషాయ చ ।। మమ గృహారంభ కాలే సర్వసిద్ధిప్రదాయక । సిద్ధదేవ మనుష్యైశ్చ పూజ్య మానో దివానిశమ్ ।। గృహస్థానే ప్రజాపతి క్షేత్రేఽస్మిన్ తిష్ఠ సాంప్రతయే । ఇహాగచ్ఛ ఇమాం పూజాం గృహాణ వరదో భవ ।। గృహధారావాస్తు మయీ వాస్తుదీపేన సంయుతా । త్వామృతే నాస్తి జగతా మాధారశ్చ జగత్ప్రియే ।। ఓం పృథ్వీధరాయ వాస్తుపురుషాయ నమః । శంకుమ్ స్థాపయామి । ఓషధులు/నవధాన్యములు ఈ మంత్రం చదువుతూ శంకువులోని రంధ్రములో ముత్యము పగడము, జటామాంసి, శొంఠి మొదలగు ఓషధములతో పాటుగా నవధాన్యములు వేసి నమస్కరించాలి. పూలమాల ఉంటే పూలమాల వేయాలి. ఓం ఓషధయస్సంవదంతే సోమేన సహ రాజ్ఞా । యస్మై కృణోతి బ్రాహ్మణస్తం రాజన్పారయామసి ।। హ్రిహయః శాల్యో ముద్గా గోధూమాస్సర్షపాస్తిలాః । చణకా మాషమాషాశ్చ సర్వధాన్యాని సర్వదా ।। ఓం పృథ్వీధరాయ వాస్తుపురుషాయ నమః । యవౌశ్చదయః నవధాన్యాని సమర్పయామి । ధూపం: ఓం పృథ్వీధరాయ వాస్తుపురుషాయ నమః । ధూపమాఘ్రాపయామి । వాస్తుపురుషునికి (శంకువుకు) ధూపం సమర్పించాలి. దీపం: ఓం పృథ్వీధరాయ వాస్తుపురుషాయ నమః । మంగళ నీరాజన దీపం దర్శయామిః । వాస్తుపురుషునికి (శంకువుకు) మంగళ నీరాజన దీపం చూపించాలి. ధూప దీపానంతరం శుద్ధాచమనీయం సమర్పయామి । పుష్పముుతో నీటిని ధూపము దీపం చుట్టూ త్రిప్పాలి. కొబ్బరికాయ యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీః᳚ । బృహ॒స్పతి॑ ప్రసూతా॒స్తానో॑ ముంచం॒త్వగ్ం హ॑సః । ఓం పృథ్వీధరాయ వాస్తుపురుషాయ నమః । నారికేళం సమర్పయామి । వాస్తుపురుషునికి (శంకువుకు) నారికేళం సమర్పించాలి. నైవేద్యం: ఓం పృథ్వీధరాయ వాస్తుపురుషాయ నమః । యథాశక్తి (నారికేళ, కదళీ, ఖర్జూర, జంబూఫల, ద్రాక్ష, పనస, కపి, వివిధ ఫల శర్కరాన్, గుడఖండ - షడ్రసోపేత) నైవేద్యం సమర్పయామి। మధ్యేమధ్యేపానీయం సమర్పయామి। ఉత్తరాపోశనం సమర్పయామిః హస్తా ప్రక్షాళయామి। పాదౌ ప్రక్షాళయామి। శుద్ధాచమనీయం సమర్పయామి। (మహా) మీ శక్తికొలది నైవేద్యం నివేదయామి ।। వాస్తుపురుషునికి (శంకువుకు) నైవేద్యం సమర్పించాలి తాంబూలం: ఓం పృథ్వీధరాయ వాస్తుపురుషాయ నమః । తాంబూలం సమర్పయామి। వాస్తుపురుషునికి (శంకువుకు) తాంబూలం సమర్పించాలి కర్పూర మంగళ నీరాజనమ్: ఓం పృథ్వీధరాయ వాస్తుపురుషాయ నమః । కర్పూర మంగళ నీరాజనమ్ దర్శయామి। నీరాజనానంతరం శుద్దాచమనీయం సమర్పయామి। వాస్తుపురుషునికి (శంకువుకు) హారతిని వెలిగించి చూపించాలి. పుష్పముుతో నీటిని హారతి చుట్టూ త్రిప్పాలి.తదుపరి హారతిని స్వీకరించాలి. మంత్రపుష్పం: ఒక్కో మంత్రం చదువుతూ ఆయా నవగ్రహానికి, శంకువుకు పుష్పమును సమర్పించాలి. సూర్యుడు: ఓం భాస్కరాయ విద్మహే మహాద్యుతికరాయ ధీమహి తన్నో ఆదిత్య ప్రచోదయాత్ ।। చంద్రుడు: ఓం క్షీరపుత్రాయ విద్మహే అమృత తత్త్వాయ ధీమహి తన్నో చంద్రః ప్రచోదయాత్ ।। కుజుడు: ఓం తత్పురుషాయ విద్మహే అంగారకాయ ధీమహి తన్నో భౌమ ప్రచోదయాత్ ।। బుధుడు: ఓం సోమ పుత్రాయ విద్మహే బుద్ధి ప్రదాయ ధీమహి తన్నో సౌమ్య ప్రచోదయాత్ ।। గురువు: ఓం ఆచార్యాయ విద్మహే సర్వజ్ఞాయ ధీమహి తన్నో బృహస్పతి ప్రచోదయాత్ ।। శుక్రుడు: ఓం అసురాచార్యాయ విద్మహే సౌఖ్య ప్రదాయ ధీమహి తన్నో శుక్ర ప్రచోదయాత్ ।। శని: ఓం నీలాంబరాయ విద్మహే సూర్య పుత్రాయ ధీమహి తన్నో సౌరి ప్రచోదయాత్ ।। రాహువు: ఓం సింహికా పుత్రాయ విద్మహే సర్ప రూపాయ ధీమహి తన్నో రాహు ప్రచోదయాత్ ।। కేతువు: ఓం ఛాయాగ్రహాయ విద్మహే సింహికా పుత్రాయ ధీమహి తన్నో కేతు ప్రచోదయాత్ ।। కేతువు: ఓం ఛాయాగ్రహాయ విద్మహే సింహికా పుత్రాయ ధీమహి తన్నో కేతు ప్రచోదయాత్ ।। వాస్తుపురుష నమస్తేఽస్తు భూశయ్యాభిరత ప్రభో । మద్గృహం ధనధాన్యాది సమృద్ధం కురు సర్వదా ।। శంకుస్థాపనే యా పూజా త్వయి దేవ నిరూపితా । తయా త్వం పరితుష్టస్సన్ ఆయురారోగ్యదా భవ ।। ఓం హిరణ్యగర్భాయ విద్మహే । పృథ్వీధరాయ ధీమహి । తన్నో వాస్తుపురుషః ప్రచోదయాత్ ।। ఓం పృథ్వీధరాయ వాస్తుపురుషాయ నమః । ఆదిత్యాది నవగ్రహ దేవతాభ్యో నమః । సువర్ణ మంత్రపుష్పం సమర్పయామి । ఆత్మప్రదక్షిణ నమస్కారం: యాని కాని చ పాపాని జన్మాంతర కృతాని చ తాని తాని ప్రణశ్యంతి ప్రదక్షిణ పదే పదే । పాపోఽహం పాపకర్మాఽహం పాపాత్మా పాపసంభవః త్రాహి మాం కృపయా సాయి శరణాగతవత్సల । అన్యథా శరణం నాస్తి త్వమేవ శరణం మమ । తస్మాత్కారుణ్య భావేన రక్ష రక్ష గ్రహనాయక ।। ఓం బ్రహ్మరూపాయ, ధరాధరాయ, సకలభూపాలకాయ, అంతర్మండల బహిర్మండల దేవతాస్వరూప వాస్తుపురుషాయ నమః ।।ఆత్మప్రదక్షిణ నమస్కారాన్ సమర్పయామి । వాస్తుపురుషునికి (శంకువుకు) అక్షతలు సమర్పించాలి. ఉపచార పూజ: ఓం బ్రహ్మరూపాయ, ధరాధరాయ, సకలభూపాలకాయ, అంతర్మండల బహిర్మండల దేవతాస్వరూప వాస్తుపురుషాయ నమః ।।ఆత్మప్రదక్షిణ నమస్కారాన్ సమర్పయామి । ఛత్రమాచ్ఛాదయామి । చామరైర్వీజయామి । నృత్యం దర్శయామి । గీతం శ్రావయామి । వాద్యం ఘోషయామి । ఆందోళికానారోహయామి । అశ్వానారోహయామి । గజానారోహయామి । సమస్త రాజోపచార దేవోపచార భక్త్యుపచార శక్త్యుపచార మంత్రోపచార పూజాః సమర్పయామి ।। వాస్తుపురుషునికి (శంకువుకు) అక్షతలు సమర్పించాలి. అక్షతలును,పుష్పాలు,జలం కుడిచేతిలో తీసుకొని పాత్రలో వదలాలి. సమర్పణం: యస్య స్మృత్యా చ నామోక్త్యా తపః పూజా క్రియాదిషు। న్యూనం సంపూర్ణతాం యాతి సద్యో వందే తమచ్యుతం।। మంత్రహీనం క్రియాహీనం భక్తిహీనం గ్రహనాయక । యత్పూజితం మయా దేవా పరిపూర్ణం తదస్తు తే । అనయా ధ్యాన ఆవాహనాది షోడశోపచార పూజయా భగవంతః సర్వత్మకాః వాస్తుపురుష దేవతా సుప్రీతాః సప్రసన్నాః వరదో భవంతు ।। ఉత్తరే శుభకర్మణ్యవిఘ్నమస్తు ఇతి భవంతో బ్రువంతు । ఉత్తరే శుభకర్మణి అవిఘ్నమస్తు।। ఏతత్ ఫలం శ్రీ వాస్తుపురుష దేవతా చరణారవిందార్పణమస్తు అక్షతలును,పుష్పాలు,జలం కుడిచేతిలో తీసుకొని పాత్రలో వదలాలి. ఇప్పుడు యజమాని 'ఓం వాస్తుపురుషాయ నమః' అంటూ ఇసుక సిమెంట్ కలిపిన మిశ్రమమును తాపితో మూడు మార్లు గర్తలో వేయాలి. తరువాత అయన పరివారము వేయవచ్చును. అనంతరం దానిని మేస్త్రితో (masion) చెప్పి మూసివేయమనాలి. తీర్థప్రసాద గ్రహణం: అకాలమృత్యహరణం సర్వవ్యాధినివారణం।। సమస్తపాపక్షయకరం శ్రీ వాస్తుపురుష దేవతా పాదోదకం పావనం శుభమ్।। శ్రీ వాస్తుపురుష దేవతా ప్రసాదం శీరసా గృహ్ణామి। ఉద్వాసనం: ఓం య॒జ్ఞేన॑ య॒జ్ఞమ॑యజన్త దే॒వాః తాని॒ ధర్మా॑ణి ప్రథ॒మాన్యా॑సన్। తే హ॒ నాక॑o మహి॒మాన॑స్సచన్తే యత్ర॒ పూర్వే॑ సా॒ధ్యాస్సన్తి॑ దే॒వాః।। ఓం పృథ్వీధరాయ వాస్తుపురుషాయ నమః యథాస్థానం ఉద్వాసయామి।। శోభనార్థే క్షేమాయ పునరాగమనాయ చ। వాస్తు మండలములోని కలశమును , ఆయా మండపస్థిత దేవతలకు 'ఓం ఓం ఓం' ఉద్వాసనము చేయాలి. ఓం ఓం ఓం మంగళం మహత్ ।